12-TUPLE L AYOUT

TUPLE L AYOUT

-اتكلمنا عن ال Page Layout ودلوقتى هنتكلم عن ال Tuple Layout.

-ال tuple بالنسبه لل Storage هو عباره عن مجموعه من ال bytes التى يتم حفظها.

-علشان كدا من المهام الرئيسية لل DBMS  أنه يتأكد هل البينات اللى بتتخزن مناسبة مع ال  attribute type.

-لأن لو احنا حددنا ان  فى attribute معين فى ال relation هيكون ال type الخاص بيه هو Integer, ال attribute value بالنسبه لل storage عباره عن مجموعه من ال bytes بالنسبه ليه مفيش حاجه اسمها Integer علشان كدا من مهام الـ DBMS انه يتأكد من صحة البيانات اللى هيتم حفظها فى ال storage.

.

-ال Header بيحتوى على meta-data خاصه بال tuple.

-فى الاغلب الـ attributes يتم حفظها بنفس الترتيب ,اثناء لما عملنا ال table.

-وكل tuple بيبقى ليه   record identifier يقدر من خلاله الـ DBMS يوصل لل tuple.

DENORMALIZED TUPLE DATA

للنفترض ان موجود عندنا اتنين Relation واحده اسمها foo والتانيه اسمها bar بالتالى هيكون عندنا Page خاصه ب foo يتم حفظ فيها ال tuples , وكذلك بالنسبة ل bar هيكون عندنا Page خاصه بيها و يتم حفظ ال tuples.

و a اللى موجود فى bar هو عبارة عن Reference او foreign key بالتالى نقدر نقوله ان العلاقه بين ال الأتنين relation هو one-to-many.

المهم ان احنا فى كل Query كل مره بنجيب tuple معين من foo بنحتاج نجيب ال tuples  المرتبطة بيه فى ال bar واللى محفوظة فى page مختلفة وطبعاً دا بياخد وقت اطول من ان tuples تكون موجودة فى نفس ال page.

فى DBMS بتعمل DENORMALIZED TUPLE DATA وهو أنها تخزن ال tuples  المرتبطة ببعض فى نفس ال Page , دا يسرع عملية الوصول لل tuple اللى احنا عاوزينه والداتا المرتبطة بيه.

ايوا بالظبط هو ده اللى بتعمله معظم ال NoSQL DBMS انها بتحفظ ال tuples اللى بينهم relation وخصوصاً one-to-many  مع بعض فى نفس ال Page علشان تسرع عملية الوصول للداتا.