14-OLTP vs OL AP

 On-line Transaction Processing

التصنيف يندرج تحته ال queries اللى بنستخدمها من أجل عمل update و insert و read لعدد قليل من ال data  وفي الغالب ال query بتشتغل على Relation واحده او اتنين.

On-line Analytical Processing

-التصنيف  يندرج تحته ال queries اللى بتعمل read لكمية كبيرة من البيانات والبيانات دى موجوده فى اكتر من Relation. 

-ال query  بتكون complex query   مش مجرد query بتعمل select او update او insert ل tuple.

DATA STORAGE MODELS

الـ DBMS  ممكن يخزن ال tuples بطرق مختلفه بحيث تكون مناسبة لل OLTP او OLAP.

1-N-ARY STORAGE MODEL (NSM) 

ودا ال model اللى  استخدمناه لما كتبت عن  ال tuples  وشرحت ازاى بيتم حفظه فى ال pages.

وقلنا ان ال attributes values الخاصة بال tuple يتم تخزينها مع بعض وكل ال tuples الموجودة فى ال Relation يتم حفظها فى نفس ال Page.

ودا مناسب جداً لل OLTP لأن ال Query فى الأغلب بتشتغل على Relation واحدة  والافضل بالنسبه لل Query ان ال tuples تكون مخزنه بهذه الطريقة  لأن ال query ممكن تعمل operation سواء كانت select او insert او update لل attributes values الخاصه بال tuple والأفضل فى الحاله دى بكل تأكيد يتم تخزين ال attribute values الخاصة بال tuple مع بعض فى نفس ال page علشان نسرع ال operations.

بس بالنسبه لل OLAP ال N-ARY Model مش مفيد لأن ال query  بتحتاج attributes معينة من tuples مختلفة موجودة وال tuples موجوده في اكثر من relation , بمعنى تانى ان ال query  مش هتحتاج ال attribute values كلها من ال tuple .

والملخص هو ان استخدامنا لل N-ARY Model  مع ال OLAP هنقرا كمية كبيرة من البيانات من Relations مختلفة وأغلب البيانات احنا مش هنحتاجها فى ال result.

DECOMPOSITION STORAGE MODEL (DSM) 

الـ DBMS  هيحفظ ال values لكل attribute فى Page خاصه بيهم  بمعنى اخر هنوزع ال attributes values الخاصه بال tuple على pages مختلفة.

بنسميها column store اللى هو بدل حفظ كل ال attribute الخاصة بال tuple فى نفس ال page بقينا بنحفظ الـ attributes فى  Pages مختلفه.

طب دلوقتى ال attributes الخاصة بال tuple متوزعة فى Pages مختلفة ,ازاى هقدر اربط بين ال tuples وال attributes values .

فى DBMS بتحفظ ال ID  الخاص بال tuple مع كل attribute value  أو  Fixed-length Offsets.

ال  DECOMPOSITION STORAGE MODEL  مفيد جداً لل OLAP لأنه بيساعد على اننا نوصل لل attributes اللى احنا محتاجينها بس.

بس فى نفس الوقت لو عاوزين نعمل update او insert او delete ل tuple ال query هتاخد وقت لأن attributes values الخاصة بال tuple متقسمه على Pages مختلفة.

فى النهايه انت كشخص اللى هتحدد نوع ال storage model اللى عاوزه تستخدمه والمناسب لل queries اللى هتكتبها والتطبيق اللى بتعمله.